Travis Birdsek Madrilen ekin zion bere egitasmoari 2016an, eta, harrezkero, herrialdeko artistarik errespetatuenetako bat izatea lortu du. Hainbat disko-argitalpenek, areto nahiz jaialdietako birek eta estatuko eszenako artistekin egindako elkarlanek babesten dute bere ibilbidea. Bere lanak konposizioa, interpretazioa eta ekoizpena uztartzen ditu, zuzeneko zein studioko formatu ezberdinetara egokituz. Bere diskografian Año X (2016), La Costa de los Mosquitos (2021) eta Perro Deseo (2023) albumak biltzen dira, baita Leiva eta Depedro bezalako artistekin egindako kolaborazioak ere, Madrilgo artistarenganako duten ikusmina eta mirespena publikoki adierazteko zalantzarik egin ez dutenak. Ikus-entzunezkoen alorrari lotutako proiektuetan ere parte hartu du, hala nola El Embarcadero (Movistar+) telesailaren soinu-bandan “Coyotes” abestia sartuz, zein Santalucía aseguruen “Contigo” publizitate-kanpainan, non “Stand By Me” abestiaren bere bertsioa entzun zitekeen.