Nor da Demarco, ‘YouTube’-n milaka bisita pilatzen dituen flamenkoa? Puntu honetan Demarco Flamencoren istorioa ezagutzen ez dutenentzat, duela 40 urte Utreran hasten da. Marcos Borrego López besterik ez zenean, familiako jaietan erraztasunez abesten zuen umea. Lagunak izan ziren bere lehen jarraitzaileak. Musika, txikitatik, bere pasio handia izan zen. Marcosen semea zen, ogibidez musikaria, eta arte honekiko baldintzarik gabeko maitasuna kutsatu zion. Helduaroan, ahapaldiak sortu eta ahapeka abesten zituen airera, arkatz eta paperik gabe, hamarkada bat baino gehiagoz izan zuen lanbidean: butano-banaketako kamioi baten barruan. Gero, etxean, intimitatean, dibertitzeko soilik abesti bihurtzen zituen bertsoak. Egun eder batean bere konposizioak munduarekin partekatzea erabaki zuen. Sarean jarri zituen eta guztiak eztanda egin zuen: Demarco Flamenco jaio zen. Laster, multinazional batek, Warner Music-ek, erreparatu zion bere lehen diskoa —Uno— editatzeko. Disko horrekin zifra zorabiagarriak lortu ditu: 180 mila jarraitzaile baino gehiago Instagramen, milioi bat entzule hilean Spotify-n, edota Urrezko disko fisikoa eta Platinozko digitala, besteak beste. Baina, nagusiki, bi urte pasatxotan eman dituen ia 200 kontzertuetan bidelagun izan duen publiko fidel bat lortu du, bere abestiak kantatzen dituena eta bere doinuekin hunkitzen dena. Musikariaren istorioak bere disko berriarekin jarraitzen du orain: “Le sonrío al agua” (Warner Music), Gustavo Olmedok ekoitzia. Azken lan honetan, Demarcok ibilbide luzeko artista dela erakusten du. Musikaren arloan aurrera egiten du, agertokian emandako urte hauetan lortutako esperientzia gehituz, bere jatorriaren esentzia galdu gabe. Bere ibilbidea finkatzen du hastapenetako onena —flamenkoa, argia, doinu itsaskorrak, sentimendu unibertsalak— eta berria dena uztartuz: flamenkoaren fusioa egungo musika-estiloekin, ñabardura gehiago eta musika-talde oso baten soinua. Bere abesti berri gehienak goizaldean jaio dira, etxeko intimitatean, hoteleko gela batean edo kontzertu baterako bidean furgoneta batean. Letretan nabaritzen diren esperientziak dira. Demarco Flamencok urari irribarre egiten dio bere aitaren ametsa gauzatu duela pentsatzen duenean, bere jarraitzaile nagusia den alaba pentsatzean, edo bere konposizioez gozatzen duen pertsona bakoitzarengan pentsatzen duenean. Marcos musikaren munduan plan zehatzik ez zuen umea zen, baina, bilatu gabe, gelditzen ez den ur-bide bat eraikitzen ari da, itsaso infinitu baten gisan aurrera eginez.